Showing posts with label جنيٽڪلي ايڊٽ ٿيل ٻار. Show all posts
Showing posts with label جنيٽڪلي ايڊٽ ٿيل ٻار. Show all posts

Wednesday, 28 November 2018

جنيٽڪلي ايڊٽ ٿيل ٻار

جنيٽڪلي ايڊٽ ٿيل ٻار 

.تحقيق  ڪندڙ: ڊاڪٽر ھي جيانڪيوئي
ترجمو: پروفيسر بشير احمد سومرو

جڏهن کان سائنسدانن ڪرسپر ( ڪلسٽرڊ ريگيولرلي انٽ اسپيسڊ شارٽ پيلنڊرامڪ رپيٽس) ھڪ طاقتور جين ايڊٽنگ ٽيڪنڪ سائنس جي تحقيقي ميدان ۾ آندي آهي تڏهن کان وٺي اھي محتاط ھيا ته ڪٿي اھو  ڏينهن نه اچي وڃي جو ڪاٽو سوچ وارا سائنسدان جنيٽيڪلي الٽرڊ (جينياتي تبديلي) انسان نه پيدا ڪري وجهن ـ دنيا جي ڪيترن ئي ملڪن انهيء ٽيڪنڪ  تي بندش لڳائي ڇڏي آهي ڇاڪاڻ ته مستقبل ۾ انهيء ٽيڪنالاجيء جو غلط استعمال ٿي سگهي ٿو جنهن ۾ پيدا ٿيندڙ ھر ٻار جو ھر عضوو يا خاصيت تبديل ٿي سگهي ٿي جيئن اک جي رنگ کان وٺي ذھانت تائين ـ
اھا گھڙي جنهن جو خوف ھيو  سا نيٺ اچي وئي يعني چين جي سائنسدانن اعلان  ڪيو آهي ته انهن دنيا ۾ پھريون  دفعو جنيٽيڪلي ايڊٽ ٻار پيدا ڪيا آهن, جاڙيون ڇوڪريون جيڪي ھن مھيني ۾ ئي پيدا ٿيون آهن ـ
تحقيق ڪندڙ ڊاڪٽر ھي جيانڪوئي چيو ته ھن جين کي ايمڀريو ۾ الٽر ( تبديل) ڪيو ھيو, پر ماء جي ڳھڻ ۾ رکڻ کان اڳ ۾, جين الٽر ڪرڻ جو مقصد ھي ھيو  ته جيئن ٻارڙين جا جسم ھيومن اميونو ڊفيشنسي وائرس (ايڇ آء وي) جي انفيڪشنس جي مزاحمت  ڪري سگهن ـ 
ڊاڪٽر جيانڪوئيء جي ھيء نئين ريسرچ  ڪنهن به سائنسي جنرل  ۾ نه شايع ٿي آهي ۽ نه وري ڪا ڊيٽا  شيئر ڪئي اٿس ته جيئن انهيء کي ثابت ڪري سگهجي ـ پر جيڪي ڊاڪٽر جيانڪوئيء جي اڳئين ڪم مان واقف آهن اھي محسوس ڪن ٿا ته جنيٽڪلي ايڊٽنگ وارو ٻار ممڪن ٿي سگهي ٿو ـ
ڪيليفورنيا يونيورسٽيء جي جين ايڊٽنگ جي ماھر ڊاڪٽر اليگزينڊر مارس ھن تازي تحقيق  تي پنهنجي راء ڏيندي چيو ته جنيٽڪلي ايڊٽنگ وارو ٻار جو تصور به خوف وارو آهي ـ ساڳيء طرح سان چين جي سائنسدانن پڻ ڊاڪٽر جيانڪوئي جي ھن تحقيق  تي پڻ شديد تنقيد ڪئي آهي ۽ چيو اٿن ته ھي ھڪ چريائپ وارو ڪم آهي جنهن سان دنيا جي اندر چين جي سائنسي ساک کي شيھو رسندو ـ