فزڪس جو نوبل انعام

فزڪس ٻہ هزار اڻويھ جو نوبل انعام ارتقائي ڪائنات ۽ نظام شمسي کان ٻاهر سيارن جي کوجنا ڪندڙن جي نالي 

دريا خان :-

ان نوبل انعام کي سائنس جي دنيا ۾ سڀ کان قابل احترام انعام سمجھو ويندو آهي هن سال فزڪس جو نوبل انعام  ٽين سائنسدانن کي انھن جي تحقيقي کوجنائن ۾ ڏنو ويو، جن جي ڪري اسان ڪائنات جي ارتقاء کي ۽ ڪائنات ۾ پنھنجي مقام کي بھتر نموني سمجهڻ جي قابل ٿياسين

هن سال جو نوبل انعام ماڻيندڙ طبيعيات دان جيمس پيبلز کي ان حصي جو حقدار ڪوٺيو ويو جڏهن تہ بقايو حصو ڊاڪٽر مائيڪل ميئر ۽ ديديئر ڪيلوز ۾ روايتي ونڊيو ويو هن سال جي نوبل انعام جي قيمت نوي لک سوئس ڪورونا آهي جيڪا چوڏهن ڪروڙ ٽيھ لک پاڪستاني روپيا آهي ڪينيڊا سان واسطو رکندڙ جيمس پيبلز جو شمارو 1970ع جي انھن سائنسدانن ۾ ٿيندو آهي جن ڪائنات کي سمجهڻ ۾ سٺي ڪارڪردگي ڏيکاري جيتوڻيڪ انکان اڳ آرنو پينزياس ۽ رابرٽ ولسن (ڪوسمڪ مائيڪروويو بيڪ گرائونڊ) دريافت ڪري چڪا هئا پر پيبلز جتي ڪائنات جي شروعات ۽ ارتقاء جي باري ۾ گهڻيون ڳالهيون ڪيون اتي انھن اهو بہ دريافت ڪيو تہ ڪائناتي بيڪ گرائونڊ اصل ۾ ان وقت جي يادگيري آهي جڏهن ڪائنات جو گھڻو مادو هاڻوڪي ايٽمن جي شڪل ۾ آيو جنھن جي نتيجي ۾ گھڻي توانائي آزاد ٿي ۽ پوري ڪائنات ۾ هر جڳھ وکري 

ڪائناتي بيڪ گرائونڊ وارو منظر بگ بینگ جي تقريبن ٽي لک سال کانپوءِ وجود ۾ آيو هئو پر مسلسل ڪائناتي پکيڙ جي وجھ سان انھن لهرن جي ڊيگھ بہ وڌندي وئي ۽ اڄ هي مائيڪروويوز ۾ تبديل ٿي چڪي آهي جن کي اسان (ڪوسمڪ مائيڪروويو بيڪ گرائونڊ) جي نالي سان سڃاڻون ٿا جيڪو پوري ڪائنات ۾ هر جڳھ پکڙيل آهي ان منظر جو مطالعو ڪري اڄ اسان ان قابل ٿيا آهيون جو شروعاتي ڪائنات جي ننڍين جزاتن جو پتو لڳائي سگهو 

شمي سيارن جي دريافت ۾ سوئٽزرلينڊ جي مائيڪل ميئر ۽ ديديئر ڪيلوز کي هن سال نوبل انعام طبيعيات جو بقائي اڌ حصي جو حقدار ڪوٺيو ويو انھن ٻنھي ماهرن پاران 1995ع ۾ پهريون دفعو ڪنھن ٻئي ستاري جي ويجھو گھمندڙ سيارا دريافت ڪيا هيا ان سلسلي ۾ انھن سڀ کان اڳ سيارو (51 پيگاسي بي) دريافت ڪيو هئو جيڪو اسان کان پنجاھ نوري سال پري 51 پيگاسي نالي هڪ سياري جي ويجھو چڪر لڳائي رهيو آهي 

ان کان اڳ اسانکي يقين هئو تہ اسانجي نظام شمسي جيان ٻين ستارن جي ويجھو بہ سيارا چڪر لڳائيندا هوندا پر تڏهن اسان اڃان اهڙو سيارو دريافت نہ ڪري سگھياسين 

ان دريافت جي تفصيل جيئن ئي منظر تي آئي سڄي دنيا ۾ هڪ ڳچ مچي ويو تڏهن کان وٺي اڄ تائين اسان پنھنجي نظام شمسي کان ٻاهر چار هزار کان وڌيڪ سيارا دريافت ڪري چڪا آهيون جن ۾ ڪجھ اهڙا بہ آهن جتي زندگي هجڻ جو امڪان ظاهر آهي ائين مائيڪل ميئر ۽ ديديئر ڪيلوز جي هي دريافت هڪ سٺي ٽپال ثابت ٿي

#PhysicsNobelPrize2019 

Group #ScienceJeDuniya Page #ScienceJeDunya

Blogger https://sciencejeduniya.blogspot.com