Artificial photosynthesis
هٿرادو روشنائي ترڪيب
تحقيق—پروفيسر ڊن وئي وانگ
ترجمو—پروفيسر بشير احمد سومرو
بوسٽن ڪاليج ۾ سائنسدانن جي هڪ ٽيم جيڪا پروفيسر ڊن وئي وانگ جي نگرانيءَ ۾ ڪم ڪندي اريڊيم وارو ڪيٽالسٽ (اهڙو مادو جيڪو ريئيڪشن کي وڌائي پر پاڻ تبديل نه ٿئي) تيار ڪري ورتو جنهن ۾ صرف ٻه سرگرم ڌاتوئي مرڪز هيا. گهڻي اثر وارن، تجربن ظاهر ڪيو ته ڪيٽالسٽ جي هڪ واضع بناوت هجڻ گهرجي، جيڪو هڪ پيداواري پليٽ فارم وانگر مستقبل جي تحقيق جي ڪم ڪرڻ جي لائق هجي خاص طور تي سولر فيوئل سينٿيسز (سج مان ٻارڻ کي ترڪيب ڏيڻ).
پروفيسر وانگ هن تحقيق جي باري ۾ ٻڌائيندي چيو ته اسان جي تحقيق سڌي طرح سج واري توانائي جمع ڪرڻ واري ٽيڪنالاجيءَ سان لاڳاپيل آهي جيڪا سنجيده چيلينج کي ڇهي ٿي ته سج جي توانائي بي ترتيب آهي. ان جي ڪري سڌيءَ طرح سان سج جي توانائي گڏ ڪرڻ ۽ انهيءَ توانائيءَ کي ڪيميڪل بانڊز ۾ جمع ڪرڻ آهي، ساڳئي طرح سان جيئن ڦوٽو سينٿيسز (روشنائي ترڪيب) ڪم ڪري ٿو وڏي اثر سان پر گهٽ خرچ تي.
تحقيق ڪندڙن هڪ اڪيلي ائٽم واري ڪيٽالسٽ تي گهڻو وقت خرچ ڪيو آهي جيئن
۽ مشڪل سان کوجنا ڪئي هڪ ائٽمي طور تي ٽڙيل پکڙيل ڪيٽالسٽ تي(SACs)
جنهن ۾ ٻه ائٽم ظاهر ٿين. پنهنجي تحقيقي پيپر جنهن جو عنوان
"Stable iridium dinuclear heterogeneous catalysts supported on metal-oxide substrate for solar water oxidation,"
سائنسدانن جي ٽيم پنهنجي هڪ رپورٽ ۾ اهو لکيو ته هنن هڪ اريڊيم ڊاءِ نيوڪليئر هيٽروجينيس ڪيٽلسٽ ترڪيب ڏنو آهي سادي ڦوٽو ڪيميڪل طريقي سان. هي ڪيٽالسٽ ڏيکاري ٿو حد کان وڌيڪ پائداري ۽ وڏي سرگرمي پاڻيءَ واري آڪسيڊيشن ڏانهن، جيڪو هڪ اهم عمل آهي فطري ۽ هٿرادو ڦوٽو سينٿيسز ۾.
تحقيق ڪندڙن ڪيٽالائيسز جي هن پاسي تي ڌيان ڏنو جيڪو مقابلو ڪري ٿو خاص چيلينجز سان خاص طور تي ملاوتي ڪيٽالسٽ جي تياريءَ ۾ جيڪي وڏي پئماني تي ڪيميائي صنعت جي تبديليءَ ۾ استعمال ٿين ٿا. گهڻا سرگرم هيٽروجينيس (مختلف) ڪيٽالسٽس اڪثر ڪري سادي نموني سان وضاحت ٿيل آهن ايٽمي بناوت ۾، جيڪو ان کي ماليڪيولي سطح وڌائڻ واري تفصيلي طريقي کي ڏکيو ڪري ٿو.
ٽيم هڪ نئين ٽيڪنڪ جو فائدو حاصل ڪرڻ جي لائق ٿي وئي خاص طور تي اڪيلي ايٽم واري ڪيٽالسٽ کي سمجهڻ جي لاءِ ۽ هڪ مٽيريل وارو پليٽ فارم تيار ڪيو خاص ۽ ڪامپليڪس ريئيڪشن (پيچيده رد عمل) جي اڀياس ڪرڻ جي لاءِ جن کي هڪ کا وڌيڪ ايڪٽوِ سائيٽ (سرگرم هنڌ) گهرجن. وينگ چيو ته اسان جي ٽيم اهو فيصلو ڪيو ته جيڪو به ننڍي کان ننڍو سرگرم هنڌ ۽ وڌيڪ پائدار ملاوتي ڪيٽالسٽ ايڪو پاڻيءَ واري آڪسيڊيشن جو ٿي سگهندو. اڳ ۾ تحيقيق ڪندڙن هي سوال پڇيو هيو ۽ جواب صرف هم جنسي ڪيٽالسٽ ۾ ڳوليو هيو جنهن جي پائداري سادي هئي. هيءُ پهريون دفعو آهي، اسان کي هڪ جهلڪ نظر آئي طاقتور ملاوتي ڪيٽالسٽس جي صاف توانائيءَ واري پيدار وار ۽ جمع ڪرڻ ۾.
تحقيق ڪندڙن لارينس برڪلي نيشنل ليبارٽريءَ جي ايڊوانس لائيٽ سورس ۾ ايڪس ري تي تجربا پڻ ڪيا جنهن ۾ اريڊيم ڪيٽالسٽ جي بناوت کي ظاهر ڪرڻ ۾ مدد ملي. انهن ٻه طريقا استعمال ڪيا—ايڪس ري ايبسارپشن فائين اسٽرڪچر ۾ ۽ ايڪس ري ايبسارپشن نيئر ايج اسٽرڪچر پنهنجي ماپن ۾. هي تجربا نئين ڪيٽالسٽ کي بهتر سمجهڻ جي لاءِ سنجيده شاهدي مهيا ڪن ٿا. هنن تجربن سنجيده ثبوت ڏنا نئين ڪيٽالسٽ کي بهتر انداز ۾ سمجهڻ جي لاءِ.
وانگ چيو ته اسان جي ٽيم ڪيٽالسٽ جي سادگي ۽ پائداري ڏسي ڪري حيرت ۾ آئي، گڏجي وئي وڏي سرگرمي سان گهربل ريئيڪشن پاڻيءَ واري آڪسيڊيشن ڏانهن. هن وڌيڪ چيو ته ٻيو قدم تحقيق ۾ شامل ڪجي ٿو ته جيئن اڳتي جي لاءِ ڪيٽالسٽ جي عملي استعمال کي بهتر بڻائي سگهجي جاچ واري ميدان ۾ ته جيئن ڪيٽالسٽ کي نئين ڪيميائي تبديليءَ ۾ لاڳو ڪري سگهجي
No comments:
Post a Comment