“Deathstalker Scorpion”
موتمار وڇون ۔ فلسطيني وڇون ۔ اسرائيلي وڇون
"اصغر ساگر"
دنيا جو سڀ کان مھانگو زھر جنھن جي قيمت ارب روپين ۾ آھي.
دنيا جو سڀ کان مھانگو زھر وڇن جي ھڪ قسم Deathstalker Scorpion موتمار وڇون ۾ پاتو وڃي ٿو جنھن کي جان وٺندڙ وڇون چيو وڃي ٿو. جيڪڏھن ھي ھڪ وار ڪنھن کي ڏنگ ھڻي ٿو ان جو بچڻ مشڪل آھي. ان سبب جي ڪري ھي وڇون دنيا جو سڀ کان مھانگو وڇون آھي.
ھن خطرناڪ وڇون جو تعلق وڇوئن جي خاندان ”بوٿائي ڊي“ سان آھي جڏھن تہ ھن کي اسرائيلي يا فلسطيني وڇون چيو وڃي ٿو. ھي دنيا جو خطرناڪ ترين وڇون آھي جنھن کي لیوریس ڪوینڪوسٽیریٽس (Leiurus quinquestriatus) جي نالي سان سڏيو وڃي ٿو. ھي نالو ھن جي پڇڙي تي موجود 5 حصن جي ڪري ڏنو ويو آھي.
ھن جو رنگ پيلو ٿئي ٿو ۽ 30 کان 77 ملي ميٽر ڊگهو ٿئي ٿو. عام طور تي ھي وڇون شمالي آفريڪا ۽ وچ ايشيا جي ريگستانن ۾ پاتو وڃي ٿو. ھي وڇون قيمتي زھر جي ڪري سڄي دنيا ۾ مشھور آھي ۽ ھن جي ھڪ لٽر زھر جي قيمت تقريبن 10.5 ملين ڊالر يعني 1 ارب 10 ڪروڙ 63 لک پاڪستاني روپيہ آھي مطلب ھن جو صرف ھڪ گيلن 5 ارب 15 ڪروڙ روپين جو ٿئي ٿو.
خطرناڪ ھئڻ سان گڏ ھن وڇون جو زھر ڪارآمد آھي. تل ابيب يونيورسٽي جي پروفيسر مائيڪل گريوٽز مطابق ھن زھر جو استعمال تمام گهڻين طبي تحقيقن ۽ علاجن ۾ ڪتب اچي ٿو.
2013 ۾ شايع ٿيڻ واري فريڊ ھچنس ڪينسر ريسرچ سينٽر جي رپورٽ مطابق ھن وڇون جو زھر ڪينسر وارن گهرڙن کي وڌڻ کان روڪي ٿو. سائنسدانن جي دعوا مطابق ھي زھر جسماني عضون جي محفوظ منتقلي ۾ بہ مددگار ثابت ٿئي ٿو. ڪيئي بار جسم جي عضون جي پيوندڪاري تي انساني جسم ان کي قبول ڪرڻ کان انڪار ڪري ٿو.
اھڙي صورتحال ۾ ھن زھر ۾ تبديلي آڻي تمام ٿورڙي مقدار ۾ جسم جي اندر داخل ڪيو وڃي ٿو جنھن کان پوء ھي سڌو مدافعتي نظام تي عمل ڪري ٿو ۽ مصنوعي عضون جي رد ٿيڻ جا امڪان گهٽ ٿي وڃن ٿا. ان کان سوا ھي زھر ھڏين جي بيماري ۾ بہ مفيد آھي. عمر وڌڻ سان گڏ جڏھن انساني جسم جون ھڏيون ڪمزور ٿيڻ لڳن ٿيون ۽ ان ريت ڪم ڪرڻ جھڙيون نہ ٿيون رھن جھڙي ريت ھڪ نوجوان جي جسم ۾ ھڏيون ڪم ڪن ٿيون. ان ڪري ھن زھر کي استعمال ڪري ھڏين جي ڪمزور ٿيڻ جي عمل کي روڪي سگهجي ٿو.
2011 ۾ ڪيوبا جي 71 سالہ ھڪ شخص دعوا ڪئي تہ ھن پاڻ موتمار وڇون کان ڏنگرايو آھي. ھن جا سمورا درد غائب ٿي ويا. انهن وڇوئن جي ڏنگ ڪڍڻ لاء ليباريٽري ۾ ڪرنٽ ڏنو وڃي ٿو جنھن جي ڪري انهن وڇوئن جو زھر ڏنگ ۾ اچي وڃي ٿو. ائين ان زھر کي بوتل ۾ محفوظ ڪيو وڃي ٿو.
ڏسجي تہ ھي عمل پيچيدھ آھي ۽ ھڪ وقت ۾ ھڪ وڇون جي ڏنگ مان صرف ھڪ بوند زھر نڪري ٿو. ان صورت ۾ ھڪ لٽر زھر ڪڍڻ لاء تقريبن 1000 کان وڇون درڪار ٿين ٿا.
اھوئي سبب آھي جو وڇن جي ھڪ لٽر زھر جي قيمت 110 ڪروڙ جي لڳ ڀڳ ٿئي ٿي. واضح رھي تہ ھن زھر جو سڌو سنئون اثر دماغ تي ٿئي ٿو ۽ ھن خاصيت کي مدنظر رکندي ھن زھر تي اڃان تحقيق جاري آھي. دماغ ۽ اعصابن تي اثر ڪندڙ زھرن کي ٽاڪسنز سڏيو وڃي ٿو جيڪي موتمار ھئڻ سان گڏ علاج ۾ بہ ثابت اثر رھن ٿا بشرط انهن زھرن کي احتياط سان ۽ تمام گهٽ مقدار ۾ استعمال ڪيو وڃي
No comments:
Post a Comment