اسپيس سوٽ Space Suit بابت ڪجھ معلومات

اسپيس سوٽ Space Suit بابت ڪجھ معلومات 

دريا خان سنڌي 

زمين جي مداري ۾ گرمي پڌ منفي 120 ڊگري کان وٺي مثبت 120 ڊگري تائين ٿي سگھجي ٿو، اسپيس سوٽ خلابازن کي انهيءَ شدت واري گرم پڌ کان محفوظ رکندو آهي. 

ڪجھ اسپيس سوٽ اسپيس عملي جي اندر رهڻ لاءِ ٺاهيا ويندا آهن ۽ ڪجھ ٻاهر گهمڻ لاءِ ٺاهيا ويندا آهن. 

پيلي رنگ جا اسپيس سوٽ شٽل جي اندر پائڻ لاءِ استعمال ٿيندا آهن. 

ِاي وا EVA کي خلا ۾ ٻاهر گھمڻ کي چئبو آهي جيڪا خلائي جھاز کان ٻاهر ڪئي ويندي آهي. (ExtraVehicular Activity)

خلا باز EVA ڪرڻ وقت پنھنجي پاڻ کي هڪ رسي ٽيدر tether جي ذريعي خلائي جھاز سان گنڊهي رکندا آهن. 

هڪ اسپيس سوٽ عام طور تي زمين تي 127 ڪلو گرام جيترو وزن رکندو آهي، ۽ مائيڪرو گريويٽي ۾ انجو وزن گهٽ ٿي ويندو آهي. 

هڪ سوٽ کي پائڻ ۾ 45 منٽ لڳندا آهن، ۽ پريشر واري ڪيبن کان ٻاهر وڃڻ کان پهريان هڪ خلاباز کي اسپيس سوٽ پائڻ کانپوءِ سوٽ جي اندر پريشر جي مطابق پنهنجي پاڻ کي سيٽ ڪندو ۽ نج آڪسيجن استعمال ڪرڻ لاءِ گهٽ کان گهٽ هڪ ڪلاڪ رهڻو هوندو آهي. 

اسپيس سوٽ عام طور تي اڇي رنگ جو ٺاهيو ويندو آهي جيئن هو گرمي پڌ کي گهٽ جذب ڪري. 

مردن ۽ عورتن جي اسپيس سوٽ ۾ ڪو فرق ناهي هوندو. 

سوٽ جي هٿن اندر آڱرين جي آخر ۾ هيٽر Thermofoil Heater لڳل هوندو آهي. 

جڏھن خلا باز EVA ڪندا آهن تہ انھن وٽ 70 کان 110 مختلف اوزار هوندا آهن. 

اسپيس سوٽ پائڻ واري عمل کي Donnig ۽ لاهڻ واري عمل کي Doffing چئبو آهي.