بي ترتيب خواب منظم دماغ جا ضامن آهن.
دريا خان سنڌي
اوهان کي يقين اهڙا خواب ياد رھندا جن جو نہ ڪو مٿو نہ پير اهڙا خواب هر هڪ کي ايندا آهن.
سائنسدانن موجب اُھو ان ڪري ٿيندو آهي تہ ننڊ جي دوران دماغ سڄو ڏينھن تجربن جو مقابلو پراڻي يادن سان ڪندو آهي جيئن اُهو فيصلو ٿي سگهي تہ ڪھڙيون يادون اهم آهن جن کي مستقل يادن جي سرشتي ۾ منتقل ڪرڻو آهي ۽ ڪهڙيون يادون معمولي آهن جن کي ياد رکڻ جي ضرورت ناهي. ائين ڪرڻ لاءِ دماغ نين يادن سان تعلق پيدا ڪرڻ لاءِ گھڻيون پراڻيون يادون ڏسندو آهي ۽ انهن کي نئين يادن سان ملائيندو آهي جيئن نين يادن ۽ پراڻين يادن کي جاچي تعلقاتن جو جائزو وٺي سگهي. هي ڪم جاڳڻ ۾ ناهي ٿي سگهندو ڇوجو جاڳڻ وقت اسان کي پنھنجي ماحول تي توجھ ڏيڻ هوندي آهي ۽ شعوري ذهن هڪ وقت ۾ صرف هڪ ڪم تي ئي مرڪوز ڪري سگهجي ٿو.
ھي اسان جو انفرادي تجربو بہ آهي ۽ گھڻن سائنسي تجربن سان بہ ثابت ٿيل آهي تہ خوابن ۾ حال ئي ۾ گذرندڙ واقعن جي وڌائي هجي ٿي پر ان سان گڏ گڏ گهڻيون پراڻيون يادون بہ بي ترتيب طور خواب ۾ شامل ٿينديون آهن.
تجربن مان ثابت ٿيو آهي تہ حال ئي ۾ گذريل واقعن مان بہ اسان اهي واقعا گهڻو ياد رکندا آهيون جن جي باري ۾ اسان خواب ڏسي چڪا هجون، خوابن جي دوارن دماغ جا اهي حصا گهڻو فعال هوندا آهن جيڪي اسان جي جذباتن ۽ نظرثاني جي پراسيسنگ ڪندا آهن ان جي ابتڙ خوابن جي دوارن دماغ جا اهي حصا گهڻو گهٽ فعال هوندا آهن جيڪي پلاننگ ۾ ڪم ايندا آهن ۔ منطقي سوچ ۾ حصو وٺندا آهن ۽ جيڪي واقعات جو تسلسل بڻجندا آهن ان ڪري خواب ۾ غير منطقي شيون گهڻو ڪري موجود هونديون آهي ۽ خوابن ۾ تسلسل ناهي هوندو يعني اسان هڪ لمحي پنهنجو پاڻ کي موجوده گھر ۾ ڏسندا آهيون ۽ اڳئين لمحي وري پنهنجو پاڻ کي ننڍپڻ جي گھر ۾ ڳوليون ٿا.
ان حقيقت سان سائنسدانن هي نتيجا پڌرا ڪيا آهن تہ ننڊ جي دوران دماغ حال ئي ۾ ٿيندڙ تجربن کي پراڻين يادن سان گڏ integrate ڇنڊ ڇيد ڪرڻ جو ڪم ڪندو آهي، خوابن جي ترتيب ان عمل جو نتيجو ھوندي آهي.
No comments:
Post a Comment