بگ بينگ کان اڳ ڇا هو، ڄاڻو اسٽيفن هاڪنگ جي زباني
”دريا خان“
سائنسدانن جو خيال آهي تہ لڳ ڀڳ تيرهن ارب سال اڳ ڪائنات هڪ گھڻي ئي ننڍڙي نقطي ۾ مرڪوز هئي، پر پوءِ هڪ ڦهلاء سان گڏ ڦاٽي ۽ ان ۾ مرڪوز مادو ۽ توانائي ستارن ۽ ڪهڪشائن جي شڪل ۾ ڦهلجندا ويا، ڦهلاء جو اهو سلسلو هاڻ تائين جاري آهي، ڪائنات جي شروعات بابت ان نظريہ کي بگ بينگ ٿيوري سان سڃاتو ويندو آهي ۽ دنيا جا سائنسدان ان نظريہ تي متفق آهن پر اها ڳالھ اڃان تائين بحث هيٺ آهي تہ بگ بينگ کان اڳ ڇا هيو.
مشھور طبيعياتدان ڊاڪٽر اسٽيفن هاڪنگ ان بحث کي اڳتي وڌائيندي دعوي ڪئي هئي تہ سندن کي پتو آهي تہ بگ بينگ کان اڳ ڇا هيو، مشھور ٽي وي پروگرام اسٽار ٽاڪ ۾ شرڪت ڪندي وھين ۽ هاڻوڪي صدي ۾ طبيعياتدان اسٽيفن هاڪنگ ان سوال جو ظاهري صفا ساڌو پر اصل ۾ حيرت ۾ وجھندڙ جواب ڏنو تہ جيڪو هي آهي تہ بگ بينگ کان اڳ ڪجھ بہ نہ هو.
شو جي ميزبان ۽ نالي واري فلڪيات دان نيل ٽائي سن جي سوال جو جواب ڏيندي اسٽيفن هاڪنگ جو چوڻ هو تہ، آئنسٽائين جي نظريہ اضافيت موجب خلاء ۽ وقت ملي ڪري زمان ۽ مڪان جي هڪ چادر ٺاهيندا آهن جنھن جي سطح ھموار نہ بلڪ ان ۾ موجود مادي ۽ توانائي جي ڪري خم ۽ مڙيل آهي اصل ۾ آئنسٽائين جي ڏنل مساوات بگ بينگ جي وضاحت تہ ڪندي آهي پر ان سان بگ بينگ کان اڳ ۽ پوءِ جو حسابي واسطو ظاهر نہ ٿيندو اسٽيفن هاڪنگ جن اقلديسي نظريو پيش مقداري ثقل ڪوانٽم گريوٽي کي وٺندي وڌيڪ ٻڌايو تہ جيڪڏهن اسان وقت جي تصورات کي وقت سان تبديل ڪريون تہ ان ۾ وقت زمان ۽ مڪان جي چوٿي جھٽ طور تي ظاهر ٿيندو آهي ۽ ايئن ان مان زمان ۽ مڪان جي چادر جو هڪ اهڙي ھموار سطح بڻبي آهي جنھن جي ڪا حد ناهي، جيئن زمين جي سطح آهي اوهان زمين جي ڏکڻ قطب کي خيالي ۽ اصلي وقت جي شروعات جي طور تي وٺي سگھو ٿا، جنھن ريت ڏکڻ قطب جي ڏکڻ ۾ ڪجھ ناهي انھي طرح بگ بينگ کان اڳ بہ ڪجھ ناهي.
هتي دوستن کي اهو بہ ٻڌائجي تہ ان مسئلي تي ڪيترن ئي طبعيتدان جا الڳ ويچار آهن، مثال ڪجھ جو خيال آهي تہ وقت جي شروعات بگ بينگ سان گڏ نہ ٿي، بلڪ اها ڪنھن ٻئي ڪائنات ۾ ڪنھن ٻئي شڪل ۾ بہ وجود رکندو هو، جتان کان اسانجي ڪائنات جنم ورتو، ٻين جو خيال آهي تہ هڪ ئي وقت هڪجهڙيون ڪائناتون بہ وجود ٿي سگھن ٿيون، پر اهڙن ويچارن جي ابتڙ اسٽيفن هاڪنگ پنھنجي نظريہ جي حوالي سان مڪمل طور تي يقين رکندڙ هو
No comments:
Post a Comment