جاپاني ماهرن اک جي قرنيا پڙدي جو پروگرام ٿيل اسٽيم سيل وسيلي ڪامياب پيوندڪاري جو تجربو
دريا خان :-
جاپاني ماهر چشم آئي پي ايس اسٽيم سيل سان اکين جي قرنيا پڙدو بڻايو آهي جنھن کي هڪ عورت جي اک ۾ پيوند پڻ ڪيو ويو آهي جنھن جا سٺا نتيجا حاصل پڻ ٿيا آهن هي جاپان ۾ پھريون ۽ حيرت ۾ وجھندڙ تجربو ڪيو ويو آهي جنھن ۾ انساني خليات ساق اسٽيم سيلز ۾ پروگرامنگ وسيلي ڪجھ تبديلون ڪيون ويون جنھن سان انساني اک جو قرنيا پڙدو بڻايو ويو آهي جنھن کانپوءِ ان عورت پنھنجي بينائي ۾ بھتري اچڻ جو اعتراف پڻ ڪيو
هي آپريشن اوساڪا يونيورسٽي جي مرض چشم جي ماهر ڪوهجي نيشيڊا جن ڪيو هڪ عورت جي اک جي اهم حصو قرنيا پڙدي خراب هئو اک جو اهو حصو اسانجي ٻاهران کان حفاظت ڪندو آهي ان عورت جو اهو حصو خراب ٿيڻ سبب بينائي ڏا وڃي رهي هئي
علاج لاءِ ڊاڪٽرن انڊيوسڊ پلوري پوٽينٽ اسٽيم سيلز” آئي پي ايس سي وسيلي پڙدي جي خلين تي جڙيل سنهڙو پڙدو بڻايو هي خليات ٻئي ماڻھون کان عطيو ڪيا ويا هئا ۽ انھن کي پروگرام ڪري انساني بيضي ايمبريو جي صورت ڏني وئي هئي آپريشن ڪندڙ ماهر ڪوهجي موجب آپريشن جي هڪ مھيني کانپوءِ عورت جي بينائي صحيح ٿي رهي آهي ۽ سندن کي صاف نظر اچڻ پڻ شروع ٿي ويو آهي واضع رهي تہ آئي پي ايس خلين جو بنيادي ڪم جاپان ۾ ٿيو آهي جنھن تي ڪيوٽو يونيورسٽي جي پروفيسر شنيا يا ماناڪا کي نوبيل انعام بہ ڏنو ويو جاپاني ماهرن آئي پي ايس خلين سان پارڪنسن ۽ حرام مغز جي بيمارين جو علاج بہ ڪري چڪا آهن جنھن کان پوءِ حڪومتي سطح تي چئن ماڻھن تي استعمال ڪرڻ جو اجازت نامو پڻ مليل آهي جنھن کانپوءِ اها توقع آهي تہ اڳيئن پنجن ڇھن ورهين ۾ هي ٽيڪنالاجي عام استعمال لاءِ هوندي جنھن سان ٻين ملڪن جي ماهرن کي پڻ هٿي ملندي ۽ ائين اکين جي بينائي جي شڪار ماڻھن ۾ هڪ نئي اميد جاڳي پوندي جنھن سان اهوئي باقي زندگي بہ آساني سان گھار سگھندا
No comments:
Post a Comment