اسپیس سوٽ جا حصا Parts of a Spacesuit

اسپیس سوٽ جا حصا Parts of a Spacesuit

/حصو ٻيون/ 

دريا خان سنڌي

زندگي کي مدد ڏيڻ وارو خدمت گار ٿيلو 

تصویر نمبر 1

Primary Life Support Subsystem

خدمت گار ٿيلي ۾ خلا بازن جي زندگيءَ بچائڻ جي لاءِ مختلف قسمن جون شيون هونديون آهن جن ۾ آڪسيجن جي ٽينکي جنھن ۾ تقريبن 7 ڪلاڪ جي استعمال لاءِ آڪسيجن موجود هوندو آهي جيڪو اهميت جوڳيو هجي ٿو خدمت گار ٿيلي ۾ ڪاربن ڊائي آڪسيجن کي ڪڊهڻ لاءِ بہ اوزار موجود هوندا آهن انکان علاوه بجليءَ لاءِ بيٽري، آڪسيجن کي سوٽ ۾ گردش ڏيڻ لاءِ هڪ پکو، پاڻي کي ٿڌو رکڻ لاءِ اوزار، ٻن قسمن جا ريڊيو ۽ انکان علاوه هڪ خطري واري گهنٽي، جيڪي اسپيس سوٽ ۾ ڪنھن خرابي کي منھن ڏيڻ لاءِ هوندا آهن. 

ڌڙ جو سخت لباس

تصویر نمبر 2

Hard Upper Torso

هي حصو ڇاتي ۽ چيلھ جي پائڻ لاءِ استعمال ٿيندو آهي هي هڪ گنجي جيان هوندو آهي جيڪو فائبر گلاس سان ٺھيل هوندو آهي انجي سامھون هڪ Control Module هوندو آهي ۽ پويان چيلھ سان جڙيل هجي ٿو، جيڪو پاڻي ۽ آڪسيجن واري نالين ۾ رابطي جو ڪم بہ ڏيندو آهي. 

ٻانھون

تصویر نمبر 3

Arms

خلاٿ باز ٺھيل ڪپڙا ناهين پائيندا بلڪي ٻانهہ جي لمبائي کي مختلف سائز جي حصن کي جوڙي ڪري ايڊجسٽ Adjust ڪيا ويندا آهن. 

دستانا

تصویر نمبر 4

Gloves

خلا بازن کي مختلف قسم جي ڪم ڪار ڪرڻ ۽ شين کي کڻڻ جي لاءِ مخصوص دستانن جي ضرورت پوندي آهي دستانا ان طرح ٺاهيا ويندا آهن تہ جيئن آڱرين کي سولائي سان موڙي سگھجي، انھن دستانن جي آڱرين جي آخر ۾ 

فنگر ٽپس fingertips تي thermofoil heater بہ لڳل هوندا آهن هڪ bearing دستاني ۽ هٿ کي جوڙيندو آهي ۽ انهيءَ وجهہ سان هٿ جي ڪلائي کي موڙي بہ سگھجي ٿو. 

ڏيکارڻ ۽ سنڀالڻ جو حصو 

تصویر نمبر 5

Display and Control Module

هي حصو هڪ ڊيش بورڊ dashboard جيان هوندو آهي ۽ خلائي لباس کي انجي ذريعي ڪنٽرول ڪيو ويندو آهي، انتي مختلف قسم جا سوئچ ۽ هڪ اسڪرين لڳل هوندي آهي. 

پاڻي پيئڻ جي ٿھيلي 

تصویر نمبر 6

In-suit Drinking Bag

پلاسٽڪ سان ٺھيل پاڻي جي هڪ ٿهيلي ڇاتي واري لباس جي اندر لڳل هوندي آهي، ۽ هڪ نلي انجي مٿي تي لڳل هوندي آهي جنھن کي ويلو valve چئبو آهي جيڪو خلا باز جي منھن جي ويجھي هوندي آهي، valve کي ڪٽڻ bite سان اُهو کلي ويندو آهي جنھن کانپوءِ پاڻي پئجي سگھبو آهي، ۽ ڇڏڻ کان پوءِ واپسيءَ اهو بند ٿي ويندو آهي.