برف نشو يا ميٿا نشو Crystal methamphetamine
"دريا خان سنڌي"
برف نشو جنھن جو اصل نالو ” ڪرسٽل ميٿا ايمفيٽامين“ آهي جنھن کي ميٿا يا ڪرسٽل ميٿا چئبو آهي. ھي مخصوص ٻوٽن ۽ وڻن مان حاصل ٿيندڙ هڪ خاص ڪيميڪل کي چئبو آهي. ھي ليباريٽرين ۾ ايفيڊرين سان بہ تيار ڪيو ويندو آهي. ھن خوني نشي جا قلم کنڊ يا لوڻ جي وڏن ڌاڻن جي ماپ جا هجن ٿا. طبي ماهرن موجب هي خطرناڪ نشن مان هڪ آهي. ھن جي واپرائڻ سان انسان جي توانائي ٻيڻي ٿي وڃي ٿي، حافظو گهڻو تيز ٿي وڃي ٿو ۽ انسان 24 کان 72 ڪلاڪ تائين جاڳي سگهي ٿو. جيئن نشو لھي ٿو، انسان گهڻو ٿڪ ۽ سستي محسوس ڪندو آهي ۽ پنھنجي آسپاس موجود سڀني ماڻهن کي شڪ طور ڏسي ٿو.
برف نشو جي مسلسل واپرائڻ سان انسان چريائپ جو شڪار ٿي پنھنجي زندگي موت جي حوالي ڪري ڇڏي ٿو. پاڪستان ۾ ڳوٺاڻو علائقو گهڻو ڪري خيبر ايجنسي کي آئس جو مرڪز ڪوٺيو وڃي ٿو جتي هي زهر ۽ نشو افغانستان کان اسمگلنگ ٿي اچي ٿو. مھانگو هجڻ ڪري پھرين هي اميرن ۽ انهن جي پارٽين ۾ پاتو ويندو هو ڇوجو هڪ نج پج برف نشي جي هڪ پڙي 5 کان 10 هزارن جي ملندي هئي جنھن کان پوءِ جھازن جي گهڻائي ۽ کپت ۾ غير معمولي اضافي جي ڪري افغانستان کان گهڻو اسمگلنگ ٿي مقامي ليبارٽرين ۾ تيار ٿيندڙ ٻہ نمبر آئس جي قيمت ۾ گهٽتائي اچي وئي ۽ 500 سئو کان 1500 جي هيٺ اچي وئي آهي. خيبرپختونخواھ ۾ ان خوني نشي جو استعمال ۽ ڪاروبار گهڻو مضبوطي سان پنھنجا خوني پير ڄمائي چڪو آهي جنھن کان پوءِ وڏن شھرن پشاور، لاهور،ڪراچي ۽ ٻين جڳهن تائين عام ٿي ويو آهي جيڪو تيزي سان جاري آهي. عام ماڻهو سان گڏوگڏ تجارت ڪندڙ فرد، سياستدان ۽ سرڪاري آفيسر هن نشي کي واپرائيندي پاتا ويا آهن. افسوس سان هي نشو تعليمي ادارن ۾ بہ پکڙجي رهيو آهي شاگردن سان گڏ شاگرداڻين جو پڻ وڏو تعداد هن خوني نشي جو عادي آهي. لاهور جي مختلف يونيورسٽين ۾ پڻ هي تيزيءَ سان هي وڌي رهيو آهي. حڪومت پاران هن نشي جي اسمگلنگ روڪڻ لاءِ ڪي سٺا قدم ناهن کنيا ويا ۽ نہ ئي ڪو قانون جوڙيو ويو آهي.
نوٽ: ھن مضمون لکڻ جو ڪارڻ عوام کي آگاهي ڏيڻ آهي تہ جيئن خاص ڪري والدين پنھنجي ٻارن تي نظر رکن ۽ قيمتي زندگيون بچائين
No comments:
Post a Comment