وٽامن ڊي ۽ هڏين جي ڪمزوري جو پاڻ ۾ ڪو واسطو ناهي:تحقيق

وٽامن ڊي ۽ هڏين جي ڪمزوري جو پاڻ ۾ ڪو واسطو ناهي:تحقيق

"دريا خان سنڌي"

وٽامن ڊي سان واسطو رکندڙ دوائون ۽ سپليمينٽس کي هڏن جي ڪمزوري، ٻوڙائپ کي ختم، دم، سور، ڏندن جي مرض، ٿولھ ۽ ذھني ڇڪتاڻ کي گهٽائڻ لاءِ اهم سمجهيو ويندو آهي پر ائين ناھي.

نيوزي لينڊ ۽ برطانيا جي سائنسدانن موجب هڪ تحقيق مان پتو پيو آهي تہ وٽامن ڊي، هڏين جي ڪمزوري ۽ ٻوڙائپ جي هڪ ٻئي سان ڪا ويجهڙائي ناهي. تحقيق موجب وڏي عمر ۽ گهٽ عمر رکندڙ ماڻهن کان سوا وٽامن ڊي جي دوائن جي سپليمينٽس جو اهڙي عمر رکندڙ ماڻهن تي خاص اثر يا فرق نٿو پوي.

 ماهرن موجب اهو تاثر غلط آهي تہ وٽامن ڊي وٺڻ سان ئي هڏيون مضبوط ٿينديون آهن. سائنس جرنل (دي لينسٽ) ۾ پڌرو ٿيندڙ نيوزيلينڊ ۽ برطانيا جي ماهرن جي تحقيق موجب گهڻو ڪري بالغ ماڻهن کي اهڙين دوائن وٺڻ سان ڪو فائدو حاصل نہ ٿيندو آهي.

وٽامن ڊي جي گهٽتائي ظاهر ڪندڙ 5 علامتون رپورٽ ۾ ٻڌايون ويون. تحقيق دوران ماهرن وٽامن ڊي بابت ماضيءَ ۾ ٿيندڙ 81 تحقيقات جو جائزو وٺڻ کان علاوه 50 هزار کان مٿي ماڻهن کي ڪجھ مھينن تائين وٽامن ڊي جي خوراڪ ڏيئي نتيجا حاصل ڪيا ويا. ماهرن موجب وٽامن ڊي بابت گهڻو ڪري جيڪي خيال 4 صديون پراڻا آهن، انهن جي برعڪس هاڻ نتيجا بدلجي ويا آهن.

رپورٽ موجب گهڻو ڪري ماڻهون تي وٽامن ڊي جي دوائن جو ۽ خوراڪ جو اثر نٿو ٿئي گهڻو ڪري گهٽ عمر رکندڙ ماڻهن کي ان جو فائدو گهٽ ٿئي ٿو.

رپورٽ موجب اهڙين سپليمينٽس ۽ دوائون جو گهڻو فائدو صفا گهٽ عمر رکندڙن کي پئي ٿيو جن ۾ وٽامن ڊي جي گهڻي گهٽتائي هجي ٿي.

ماهرن 10 سالن کان وڌ ۽ 60 سالن کان گهٽ عمر رکندڙ کي تجويز ڏني آهي تہ هو هي سمجهڻ ڇڏي ڏين تہ وٽامن ڊي جون دوائون ۽ سپليمينٽس کائڻ سان انهن جون هڏيون مظبوط ٿينديون ۽ جسم ۾ سور ٿيڻ ختم ٿي ويندو.

ماهرن واضح ڪندي چيو آهي تہ وٽامن ڊي جو جسم جي هڏين کي مضبوطي، جسم ۾ سور، دم ۽ وٽامن ڊي جي گھٽتائي سان پيدا ٿيندڙ بيمارين سان ڪو تعلق ناهي.

وڌيڪ ماهرن موجب وٽامن ڊي جي دوائن ۽ سپليمينٽس جو انهن ماڻهن کي فائدو ضرور پهچي ٿو جن ۾ وٽامن ڊي گهٽتائي هوندي آهي انهن ماڻهن جو شمار ٿيندڙ 4 سال کان گهٽ ٻار ۽ 60 سالن کان وڌ واري عمر وارا ماڻهو شامل آهن